JupCV 執CV 成功案例分享及恭喜90%以上客戶成功取得心儀工作

各位搵工仔同求職者你哋好

好耐冇同大家分享我哋嘅成功案例,咁啱今個月我哋有好幾個好值得分享嘅案例,而我哋前幾個月做嘅客戶,超過90%以上已經成功獲得心儀嘅Offer(仲係佢哋嘅dream job ),而我哋呢兩個月嘅業績都超額完成,趁有時間,都想同大家分享一下求職心得,亦可以帶一啲正能量比正在搵工嘅搵工仔。

如果大家有搵我哋做過免費諮詢,都會知道我哋喺過程嘅時候會好坦白同個每一位客戶講佢哋面對緊嘅情況,同埋係邊一方面需要加強,雖然我哋主力係幫客戶執CV,但我哋都會喺過程入面搵到客戶需要加強嘅地方,而重點幫佢喺嗰一方面train up,例如面試技巧、心理質素、搵工策略、職涯規劃等等。

收到一個客戶嘅分享,呢個客戶係搵我哋執完CV之後,好快經獵頭搵到一份工,但係做咗一段時間發覺做得唔係咁好,當時對自己工作能力好有懷疑,亦都覺得好大壓力。呢位客戶一路都有同我哋contact,佢亦都好有心地問我哋可唔可以再搵我哋做training,當時我哋思前想後,想諗吓點樣可以幫到佢,但係最後決定同佢講事實 – 就係唔係佢工作能力有問題,而係佢揀咗一份唔啱嘅工。我哋知道出面有好多coaching/training嘅服務,如果要收嘅話確實可以收得好高,但係JupCV希望為我哋嘅客戶對症下藥,其實對自己有信心同揀一份真正適合自己嘅工係非常重要。最後呢一位客戶非常努力咁搵工同準備面試,最後取得一份佢自己好鍾意嘅工嘅Offer。

另一個分享案例係喺一星期內同時收到兩位客戶嘅訊息,佢哋都係做緊同一個行業,呢兩位客戶都分別喺自己公司做得非常好、好穩定、有升職,本身並唔係好積極想搵工,當初佢哋搵到JupCV,純粹係想問吓我哋關於市場嘅情況,好多謝佢哋決定搵我哋幫手,係幫佢哋做資詢嘅時候,同佢地做職涯規劃,因為佢哋嘅要求好高,而且並唔係急住搵工,所以我哋花左好多時間同佢地傾市場嘅情況,同埋「逼」(提出很多問題)佢地要花時間了解自己,諗到佢地想做咩,同時建議佢哋要keep住留意Market,如果有適合嘅工要做足準備,最後喺佢哋interview嘅時候,都有搵我哋再做準備(又再俾我地「逼供」),最後除咗我哋同佢講嘅interview問題貼中晒之外,其中一位客戶係收到非常好嘅Offer,而另一位客戶就收到佢自己最心儀嘅工作性質(半轉行)。

另一個案例分享,係我哋有客戶想搵喺佢行業入面出名難入嘅幾份工,雖然佢自己本身背景唔差,但係都知道自己嘅優點缺點,我哋幫呢個客戶做諮詢嘅時候,非常重點係幫佢寫佢心儀工作嘅CV,當中亦都花咗唔少時間佢改同埋佢準備面試,想同大家分享嘅係,有一類型嘅公司出咗名好難入,其實咁樣唔代表我哋入唔會到,而係我哋要好有準備、對自己嘅信心、對想入呢一份公司嘅決心係尤其重要。

除咗呢三個案例之外,我哋都仲有好多個案想同大家分享,如果有時間嘅話下一次再同大家講多啲。最後,想藉呢個機會恭喜所有成功獲得心儀工作嘅客戶,多謝你俾機會俾JupCV同你一齊面對搵工嘅過程,講真嘅有時我哋都非常高要求,需要客戶非常了解自己嘅情況而不停逼供,但就因為我哋咁認真,先可以獲得我哋自豪嘅成績。

如果你都想了解多啲我哋嘅服務,可以約我哋做個免費評估,了解吓Jupcv點樣可以幫到你搵到心儀工作。

免費CV評估 FREE CV EVALUATION: https://api.whatsapp.com/send?phone=85263659935

Follow JupCV:

IG: @Jupcvhk

FB: @Jupcv

LinkedIn: JupCV-執CV

Website: https://www.jupcv.com

#jobsearch #careeradvice #jobseeking #findjobs #careerconsultation #resumewriting #resume #resumewriter #careercoaching #managmentconsulting #搵工 #寫CV #執CV #請人 #見工 #面試 #打CV #求職 #JUPCV #求職心得 #positivequotes #positivevibes #個人提昇 #職涯規劃 #管理諮詢 #CV點寫 #CV點打 #CV點執 #搵工注意事項 #移民搵工

JupCV

JupCV is a professional HR consulting firm founded by top-performing consultants from global listed recruitment firms and senior HR executives from large MNCs. We have a proven track record and experience in CV writing (resume building), career coaching, interview skills improvements for job seekers at all levels.

Leave a Comment