過來人分享: 搵工面試小貼士 – 增強自信，獲得心儀工作!

To 搵工仔:

我由上年年尾開始搵工， 搵左大半年終於搵到一份合適既工。 想分享下搵工過程我遇到既難處同解決方法。 我口才唔好，就算有面試機會都冇乜信心見得好。 雖然面試既表現同實際做野冇直接掛勾，但好多時HR/高層就係睇你既面試既表現黎判斷請唔請你。 所以好似我呢D口才唔好既人唯有諗唔同辦法增加自己既信心:

1. 見多幾次工累積經驗

雖然有D工我報果陣都覺得未必好岩。 但我通常都照報。因為可以慢慢累積面試既經驗。 咁見到唔同奇怪問題或者assessment時都會有心理準備。或者今次覺得答得差既答案可以返去再諗下應該點答。下次就可以有改善。

2. 回想自己既日常工作同參與過D重要決定既細節

通常recruiter 尤其大公司都會準備D behavioral questions 去睇下你以往係唔同情境既做法同結果。 頭果幾次interview既時候問起呢D問題已經令我腦入面空白一片。 雖然讀書時學過用STAR 去答呢類問題。但連當時situation 都講唔清就好難會答得好。 後來我回想起自己做既野， 跟住背左幾個曾經既challenge/achievement scenario， 咁問到唔同問題我都係將D問題套落去呢幾個scenario去解答。 就算有時係套得有D牽強，但recruiter都會睇到你流利地答問題表現既自信。

3. 唔需要將每個interview take得太serious

見了好多次interview 後都有灰既時候。覺得自己既經驗同工作表現都唔差， 但點解成日interview 都過唔到。 各位可以想像下interview 只係一個matching process， 可能job description 寫左少少野你覺得自己既經驗同能力都好match。 但實際上有好多冇寫上去既野得recruiter先會知。例如公司文化，將來工作內容既改變- 可能公司文化比較open， recruiter覺得自己比較內向; 可能除左job description 上寫既野外上司對未來既發展有唔同expectation。 而呢D野得recruiter先會知。 所以面試時只需要將自己包裝得好咁sell出去。而決定match唔match就交比recruiter去處理。 咁諗我心入面反而會冇咁大壓力， 令interview 既表現更好。

4. 搵Christine 或者其他agent 傾下或者幫手搵工

見工有咁多流程，有written assessment， 有first in/second in/什至final in。 一般面試過都最少要見2-5個公司既中高層。有可能你講錯一句野個recruiter 唔鍾意就比人叮走左。而要過程內咁多人認同你都唔容易。 我今次搵到呢份工都係靠Christine 幫手比左好多建議。有agent 做橋樑有時可以避開一D地雷。 比如公司好唔鍾意人work from home，可能覺得會影響工作效率。到我問問題既時候就問公司有冇D flexible arrangement 呢， 例如work from home咁? 咁就會即刻比左個red flag佢地。 可能我當時只係好奇想問下， 但有時一句無心講既野可能recruiter都會誤會左。 如果有agent可能一開頭就可以避免左呢D地雷， 或者有誤會時佢都可以幫你解釋返。