求職心得|轉行業篇

【求職心得|轉行業篇】

最近JupCV(執CV)收到嘅好多搵工仔既問題(特別係受疫情影響嚴重嘅行業如航空業、旅遊業、酒店業、飲食業等)話: 如果做左幾年/10幾年同一行業,但而家想轉行嘅話有無機會?

其實轉行並唔係想像中咁困難既事,但確實需要一份好大嘅勇氣同決心,今日就等我地JupCV(執CV)同轉行嘅搵工仔分享下求職心得!

第一.進修

想轉行其中一個最容易嘅方法就係進修,市面上其實有好多課程可以比搵工仔係業餘嘅時候去進修同提升自己技能及專業知識,而好多課程甚至有政府資助,由上年開始,亦有好多外國嘅大學提供遙距課程。今年趁住大家都未有得飛,可以趁呢個時間好好進修同埋鋪排自己嘅轉行之路。

第二.長遠職涯規劃 (Long Term Career Goal)

無論係幫大家寫CV定係做Career Coaching,我哋都成日叫搵工仔諗清楚點解

· 點解會想搵工?

· 點解會想轉工?

· 點解會想轉行?

如果係因為

· 做嘢太辛苦

· 而家嘅職位冇乜發展空間

· 做咗咁多年做到好悶

以上呢啲原因都未必構成必須要轉行嘅原因,好多時候轉工作環境都會比到你新嘅機遇同發展機會,甚至我哋成日同搵我地做Career Coaching嘅搵工仔講,你覺得做得好悶嘅嘢 – 就係你最值錢嘅地方、你嘅Selling Point,決定轉行之前一定要花多啲時間了解自己嘅諗法。

第三.人工及現實因素

搵工仔係轉行嘅時候亦都會面對其中一個問題就係需要減人工,除咗要過自己嘅心理關口之外,亦都要考慮現實嘅因素容唔容許。我哋通常都會建議想轉行嘅搵工仔先儲定一筆6個月至12個月嘅流動資金,面對需要減人工嘅時候會更加可以堅持自己轉行既決心。

第四.兼職/Freelance賺工作經驗

其實想轉行嘅搵工仔亦唔需要即刻quit左份工,你亦都可以喺而家做緊既公司睇吓有冇相類似嘅職位去攞經驗,或者係搵一份兼職,易啲入行之餘亦同時爭取到相關嘅工作經驗。收入上面唔會影響,亦都可以比自己一啲緩衝時間慢慢轉去自己想長遠發展嘅行業。

第五.轉行點寫CV?

如果搵工仔本身冇相關嘅工作經驗,遞求職信都唔會收到回音,因為大部份嘅HR都會睇咗你嘅工作經驗而考慮你適唔適合佢哋而家請緊嘅位。

JupCV(執CV)幫想轉行嘅搵工仔執CV嘅時候,會有技巧地加返相應既KEYWORDS,同埋用最簡單清楚既方式去表達你想轉行既原因同你適合嗰份工嘅原因。

好多搵工仔認為執一份CV係幾個鐘既事,但好多搵過我地JupCV(執CV)既搵工仔就會知道,我地花大量時間去了解你所長,務求令你決定搵工、轉行之路更易行之餘,事業運、財運、人緣都得以提升!

有興趣了解更多?搵我地JupCV(執CV)傾下啦!

Whatsapp: https://bit.ly/3uOv2i2

JupCV

JupCV is a professional HR consulting firm founded by top-performing consultants from global listed recruitment firms and senior HR executives from large MNCs. We have a proven track record and experience in CV writing (resume building), career coaching, interview skills improvements for job seekers at all levels.

Leave a Comment