職場制勝 | 如何成為A111: 心態篇
有follow開JupCV嘅搵工仔應該知道， JupCV嘅正職係做獵頭，我哋過往10年喺全球四大上市獵頭公司工作嘅時候，每日都會見唔同嘅求職者，亦有一套評分嘅機制，高分嘅求職者就更加容易配對到好嘅公司。 作為求職者，當然希望自己嘅評分越來越高，咁樣喺獵頭嘅心目中無論係幫你嗌人工又好或者服務你又好都會比一般評分嘅求職者更加用心。 喺我哋呢一套評分機制上面最好嘅評分就係A111 ，呢一個評分係講緊嗰個求職者喺各方面都喺一眾求職者嘅頂端，三個1分別代表：1. Presentation(外觀、表達能力、語言） 2. 工作能力 3. 個性，今日就同大家分享吓點樣可以成為獵頭心目中嘅A111，喺心態上面呢一類型嘅求職者同其他人有咩唔同呢？希望各位搵工仔睇完都有所啟發，好多時候搵工除咗係講緊自己工作能力，亦都好睇你嘅心態。 心態一：有自信心 呢一類型嘅求職者通常由細到大都對自己要求高，所以無論喺學業成績、課外活動、以致工作經驗，都會相對上有比較好嘅表現，而佢哋喺面試嘅時候亦都表現到自信心，有能力做到僱主要求，甚至係超出僱主嘅期望。如果可以令到雇主對你有信心，就會比其他人更有勝算。 心態二：平常心 ...
